- Тәртіп бұзғандардың ішінде 18 адамды әкімшілік жауапкершілікке тарту туралы қаулы қабылданып, ал 3 әкімшілік іс бойынша жеке тұлғалардың сот отырысына белгісіз себептермен келмеуіне байланысты, оларды сотқа күштеп әкелу туралы ұйғарым шығарылған. Сондай-ақ, осы Жарлықта көрсетілген мiндеттi санитарлық-эпидемиялық талаптарды сақтамай, кейбір мейрамханалар мен моншалардың және ойынханалардың жұмыс істеуіне жол берген 13 адамды қамауға алу туралы сотта қаулы қабылданып, 5 адамға қатысты 10 айлық есептік көрсеткіш мөлшерінде айыппұл салынды. Ал әрекетінде әкімшілік құқық бұзушылықтың болмауына байланысты 1 адам жауапкершіліктен босатылған, - дейді ресми өкіл Қабыл Дүйсенби.
Алдағы уақытта осындай әкімшілік құқық бұзушылықты болдырмау мақсатында, қалалық сот әкімшілігі жергілікті тұрғындар мен кәсіпкерлерді төтенше жағдай режимін сақтауға және оны орындауға шақырады.
