- Аудан аумағындағы Евразия, Бенефис, Әсел, Алтын Орда базарларының жұмысы тоқтатылды. Ал, Исатай, Көктем базарлары мен Айна базарының азық-түлік сататын бөлігі 10:00-ден 18:00-ге дейін шектеулі режимде жұмыс істеуде. Еңбекші ауданы «Айна» базарындағы «Көктем» автобекеті өз жұмысын ағымдығы жылдың 25 наурызынан бастап тоқтатты, - деді аудан әкімі.
Ғ.Ілиясовтың айтуынша, «Фосфоршылар» сарайы мен «Әсел» базарының алдында апта сайын өтетін азық-түлік жәрмеңкелері де жұмысын тоқтатқан. Сонымен бірге, аудандағы телефон сататын 7 дүкен уақытша жабылған.
