Аймақтар • 01 Сәуір, 2020

Қостанай облысында қоғамдық көлікке бетпердесіз кіруге тыйым салынды

19 реткөрсетілді

Қостанай облысының тұрғындарына 2 сәуірден бастап қоғамдық көлікке бетпердесіз кіруге тыйым салынды. Такси мен жеңіл көліктегілер де маскалық режімді сақтауы тиіс. Бір көлікке екі адамнан артық мінуге болмайды. Жеке көлік жүргізушілері де міндетті түрде бетперде тағып, қолғап киіп алуы керек. Тұрғындардың бәріне бірдей қойылған талап – осы.

Тәртіп – қатал, мүлтіксіз орындалуы тиіс. Жергілікті полиция қызметі басқармасы бастығының орынбасары Виталий Цойдың айтуынша,  тәртіпке мойынсұнбағандар заң алдында жауап беретін болады. В.Цой тұрғындарды түнгі 22.00-ден кейін, аса қажет болмаған жағдайда, көшеге шықпай-ақ қоюға шақырды. Бүгінге дейін облыста  төтенше жағдай режімін бұзған 186 азамат әкімшілік жауапкершілікке тартылған. Алайда тәртіп бұзушылар саны күн санап азая түскен.

Тауарлар және көрсетілетін қызметтердің сапасы мен қауіпсіздігін бақылау департаментінің мәліметінше, қазір облыстағы эпидемиялық аһуал тұрақты. Короновирус індетін жұқтырғандар тіркелмеген.  Бұған дейін шетелден келген   1687 адам үй карантинінде, 261 адам провизорлық  госпитальда жатыр. 

Қостанай облысы

Соңғы жаңалықтар

Індетті тәртіп жеңеді

Коронавирус • Бүгін, 06:31

Ұқсас жаңалықтар