Аймақтар • 02 Сәуір, 2020

Маңғыстаудағы зияткерлік мектеп балабақшаларға бетперде таратты

228 рет

көрсетілді

1 мин

оқу үшін

Ақтау қаласындағы Назарбаев Зияткерлік мектебінің ұжымы облыс орталығындағы «Хиуаз», «Әлия», «Мәншүк» балабақшаларына қорғаныс бетперделерін сыйлады. Осылайша ұстаздар қауымы #Бізбіргеміз жалпыхалықтық акциясына үлес қосты, деп хабарлайды аталған мектептің баспасөз қызметі.

Гүлайым ДӘУІТБАЙ

Маңғыстаудағы зияткерлік мектеп балабақшаларға бетперде таратты

Мектеп әкімшілігінің ұсынысымен өнер пәнінің мұғалімі Алмагүл Жұмаева балабақшалардағы қызметкерлерге арнап 60 бетперде тікті. Қорғаныс құралдары әр балабақша мамандарына 20 данадан таратылды. Балабақша қызметкерлері мұндай қайырымдылыққа мәз болып, мектеп ұжымына алғыс білдірді.

- Бетпердені көптеп тіккіміз келген. Бірақ, қазіргі таңда материал тапшылығы байқалады. Сол себепті мүмкіндігімізге қарай қайырымдылық жасауды ұйғардық, - дейді өнер пәнінің мұғалімі, тігінші Алмагүл Тимурқызы.