Енді әлеуметтік маңызы бар өнімдердің 19 түрі бойынша бағаға бақылау жүргізіледі.
Қазіргі уақытта өңірдегі тұрақтандыру қорында 1 мың тоннадан астам өнім бар. Бүгінде облыстық мәслихаттың шешімімен бөлінген 1 млрд теңгеден астам қаржыға 19 түрлі өнім сатып алынуда.
Ал, Тұрақтандыру қорындағы өнімдер облыстағы әлеуметтік дүкендерге жеткізіледі.
Облыста 196 әлеуметтік дүкен бар болса, оның 40-ы облыс орталығында, Екібастұзда - 10, Ақсуда – 5, қалғандары аудандарда орналасқан.
Өндірушілер енді өнімдерін апта сайын өтетін ауыл шаруашылық жәрмеңкесіне емес, әлеуметтік дүкендерге жеткізеді. Әлеуметтік дүкендердің тізімін «Павлодар» ӘКК» АҚ сайтында жазылған.
-Сондықтан, төтенше жағдайға байланысты шектеу шаралары көбейгендіктен жәрмеңкені тоқтату туралы шешім қабылдадық. Әкімдік тарапынан өндірушілермен дүкендердің арасына алыпсатарлардың түспеуіне, еш бөгет болмауына жағдай жасаймыз, - деді облыс әкімінің орынбасары.
