Бұл сауалды кәсіп иелері Ақтөбе облысы әкімінің орынбасары Қайрат Бекеновке қойды. Соған сәйкес ол бұған дейін орын алған әкімшілі кедергілерді жою жөнінде шұғыл шаралар алынғанын жеткізді. Сондай-ақ, оның айтуынша, қазіргі күні көп және бір рет қолданылатын рұқсат қағаздар беру үдерісін автоматтандыру жөніндегі мәселе қолға алыныпты.
Кәсіп иелерінің айтуына қарағанда қазіргі таңда қолдарында электрондық рұқсат қағаздары бар жеке тұлғалар да кідірістерге тап болып отыр екен. Мәселенің мәнісі тоқтату бекеттеріндегі қондырғылар QR кодын есепке алуға қабілетсіз болып шығуында көрінеді. Оны толықтай орнықтыру әлі де бірер күн уақыт алатынын жауапты тұлғалар жоққа шығара алмады. Сондықтан да облыстық әкімдіктің индустриялдық-инновациялық даму жөніндегі басқармасына мәліметтер базасына азық-түліктер мен індеттен сақтандыру құралдарын жеткізетін автомобильдің нөмірін қолмен толықтыру жөнінде тапсырмалар берілген.
Бұған дейін облыс аумағында бірнеше блок-бекеттерде сыбайлас жемқорлыққа қарсы қызмет өкілдері мен «Ақтөбе –адалдық алаңы» жобалық кеңсесі бірлесіп жүргізген мониторингтер кезінде шұғыл түзету мен қалпына келтіруді қажет ететін өрескел кемшіліктер орын алғаны анықталған.
Ақтөбе облысы
