Аймақтар • 05 Сәуір, 2020

СҚО: Жалған хабарлама таратқандар іздестіріліп жатыр

66 рет көрсетілді

Көрші Ресей Федерациясы тұрғындары мессенджерлер топтарына енген жерлестерімізге бір арамза 13 сөйлемнен тұратын үркіту хатын салыпты. WhatsApp арқылы жеткен бұл хабарламаны ақ-қарасын айырмағандар талай адамға жіберіп үлгерген. Хабарламада тұрғындардың ешкімге есік ашпауы сұралады. Соның ішінде полиция қызметкерлерімен бірге келген дәрігерлерден аса сақ болу керектігі ескертіледі. Өйткені, олар вирустық инфекцияға тест жүргізіп, нәтижесінде өлімге әкеп соқтыратын екпе егеді-мыс делінген.

Солтүстік Қазақстан полициясы бұл хабарламаның жалған (фейк) екенін ресми түрде жариялады. Облыстық ПД бастығының бірінші орынбасары, полиция полковнигі Қанат Айтбаевтың айтуына қарағанда, полиция ешқандай дәрігермен жүрмейді және жүрмеген. Бұл - халықты шошытуға бағытталған арандатушы хабарлама. Оның кімнен шыққандығы ақыры анықталып, тиісті жазасын алатын болады деді полиция полковнигі.

Сонымен қатар ол күмәнді хабарлар емес, ресми дереккөздерге сену керектігін айтты. Көрінеу жалған ақпарат таратқаны үшін жауапкершілік Қазақстан Республикасы Қылмыстық Кодексінің айыппұлдан бастап бас бостандығынан айыруға дейінгі жазаны көздейтін 274-бабында қарастырылғанын да еске салды. Егер бұл төтенше жағдай кезінде болса, онда үш жылдан жеті жылға дейінгі мерзімге бас бостандығын шектеу немесе сол мерзімге бас бостандығынан айыру түріндегі жаза қолданылады.

 

Солтүстік Қазақстан облысы

 

Соңғы жаңалықтар

Атырауда 9 баланы ит талады

Аймақтар • Бүгін, 19:57

Ұқсас жаңалықтар