Сарапшының пікірінше, қазіргі баға уақытша. Теңгенің тағдыры ОПЕК + елдерінің кезекті бас қосуының нәтижесіне байланысты. Осы жиынға Бразилия, Канада, Норвегияның қатысуға ниет танытуы мұнайдың әлемдік бағасын барреліне 33-34 доллар аралығында ұстап тұруға мүмкіндік берді.
«Осыған байланысты, теңге қымбаттады. 1 АҚШ доллары 438,8 теңгеге дейін төмендеді. Сонымен қатар, Brent бағасының баррелі үшін 40 долларға дейін өсуі мүмкін, ОПЕК + аясында мұнай өндіруді қысқарту туралы жаңа келісімдерге қол жеткізілсе 1 АҚШ долларының бағасы 425-430 дәлізінде сақталады. Алайда, келіссөздер сәтсіз болған жағдайда USD- KZT 445-448 белгісіне қайта оралуы мүмкін», деп жазды Олжас Төлеуов.
