Қазақстан • 07 Сәуір, 2020

Атырау: Депутат көрсеткен демеу

242 рет

көрсетілді

1 мин

оқу үшін

Атырау облысындағы «Вirgemiz» қайырымдылық акциясына қатысқан «БатысАльянсСтрой» ЖШС директоры, Атырау облыстық мәслихатының депутаты Әділ Жұбанов 45 отбасына азық-түлік жиынтығын алып берді. Азық-түлік себетін алған отбасылар Махамбет ауданындағы Сарайшық, Бейбарыс, Сарытоғай ауылдық округтерінде тұрады.

Egemen Qazaqstan

-Қайырымдылық көрсету – халқымызға тән ізгілікті іс. Бұл – бір жағынан ауылдастарымызға қиын сәтте қолдау білдіру, екіншіден, кейінгі ұрпақты мейірімді болуға, ұлтқа қызмет етуге тәрбиелеу. Көмекке мұқтаж отбасылардың тізімін округ әкімдері арқылы алып, оларға азық-түлік себетін жеткізіп бердік, - дейді кәсіпкер Әліл Жұбанов.

Кәсіпкер азық-түлік себетіне ұн, қант, макарон, күнбағыс майы, ет консервілері секілді әлеуметтік маңызы бар азық-түлік түрлерін енгізген.

Жұмасат ҒАЗИЗ