Клуб баспасөз қызметінің хабарлауынша, Сон Хын Мин 20 сәуірден бастап Чеджу аралындағы әскери теңіз күштерінде үш апталық дайындықтан өтеді. Ол наурыз айының соңында Англиядан өз еліне оралып, бүгінде коронавирус пандемиясына байланысты 14 күндік карантинде жатыр.
Оңтүстік Кореядағы міндетті қызметін өтеп болған соң ол мамыр айында Лондонға оралады. Айта кетейік, Сон Хын Мин 16 ақпанда «Астон Виллаға» (3:2) қарсы өткен ойында қолын сындырып алған-ды. Сол уақыттан бері ол жарақатын емдеп жүрген болатын.
