Білім саласында қызмет атқарып келе жатқан жары Шолпан екеуі 1 ұл, 2 қыз тәрбиелеп отырған үлгілі отбасы. Таңнан қара кешке дейін келген оңырауларға жауап беріп отырған Шыңғыс жарына жәрдемдесіп, балалардың сабағына да көңіл бөліп үлгереді екен.
«Күніне кемінде маған 200-ден аса қоңырау келіп түседі. Қазіргі елімізде орын алып жатқан жағдайға байланысты 1414 бірыңғай байланыс орталығына хабарласып, кеңес сұрап жүгінетін қызмет алушылар көбейді. Мемлекеттік қызмет түрлері бойынша қолымыздан келгенше жедел түрде ақпарат беріп, сұраныстарын қанағаттандыруға тырысамыз. Себебі күніне кемі 200 қоңыраудың артында сұрақтары бойынша хабарласып отырған халық отыр. Уақыт – алтыннан да қымбат» дейді Шыңғыс.
Естеріңізге сала кетейік, «Азаматтарға арналған үкімет» мемлекеттік корпорациясы құрған Call-орталықтарда 1414 бірыңғай байланыс орталығының жұмысын күшейту үшін 2366 ХҚКО қызметкері тартылған.
Шымкент қаласы бойынша 142 қызметкер 1414 телефоны арқылы кеңес беретін орталыққа тартылған. Оның 95 үйден ұялы телефон арқылы кеңес береді, 47 қызметкер бейнеқоңырау арқылы көрсетілетін қызметті алушыларды бейнеидентификациялау үшін тартылған.
Шымкент
