Қоғам • 08 Сәуір, 2020

Зауалды бірлік жеңеді

49 рет көрсетілді

Барша адамзат басына қауіп төндіріп тұрған нәубет – қатерлі коронавирустың зардабынан құтылу үшін еліміз бүгінде шекара шеңберін жауып, адамдардың жұмысқа баруына дейін шектеу қойып, халық өмірін уақытша тұйық арнаға көшірді.

Бұл – адам жанының нәзік­тігін көрсететін шақ, сонымен қатар халықтың денсаулығы мен аман-саулығын алғашқы орын­ға қойып, әр адам өмірі­нің құндылығын бағалаумен Үкі­метіміз бен Денсаулық сақтау министрлігінің қабылдап отырған аса қажетті және тиімді амал-тәсіл­дері. Осы қысылтаяң шақта мем­лекетіміздің барша күш-жігері халықтың денсаулығын сақтау­ға бағытталып отырғанын ден­саулық сақтау саласының арда­гері ретінде өте жақсы түсінемін және жоғары бағалаймын.

 Бүгінде еліміздің дәрігерлер қауымының өкілдері өздерінің «Денсаулық сақтау сақшылары» атағына лайықтығын көрсетіп, алдыңғы шепте – ауруханаларда  күндіз-түні жанқиярлықпен еңбек етуде. Осы азаматтар мен азаматшалардың бейбіт күнде көрсетіп отырған ерлігі халықтың шынайы алғысын иеленуімен қатар мемлекет тарапынан да лайықты бағасын алатыны сөзсіз.

Бүгінде халықтың басым көп­шілігі күнделікті еңбектен қол үзуге мәжбүр болып отыр­ған сын сағатында Үкімет мұқ­таж жандарға жәрдемақы та­ға­йындап, түрлі төлемдердің мерзімін ұзартып, т.б. аса қажетті қолдау шараларын қабылдауда. Елімізде басталған «Біз біргеміз!» үндеуіне іскер азаматтар, кәсіп­орындар мен мекемелер, түрлі жеке ұйымдар қосылып, арнайы қорға қаржы аудару арқы­лы немесе халыққа азық-түлік, қа­жетті заттар түріндегі жәр­де­мін көрсетуде. Қоғамымыз осы ын­ты­мақты бағытынан танбай, үрей­ге жол бермеуі қажет. Әр отба­сында жеке бастың таза­лығы мен қауіпсіздігінің ереже­лері мүл­тіксіз орындалуға тиіс. Әсіресе егде жастағы қария­ларға бұл күнде қамқорлық еселене түскені жөн. Себебі олар қазір басты қауіп то­бында. Қарт­тарға жақсылық ж­а­сап, қам­қорлыққа бөлеу біз­дің хал­қы­мыздың табиғатына тән қа­сиет екені бұрыннан белгілі ғой. Ба­ла­лардың тәрбиесіне, қа­рия­лардың денсаулығына, көңіл күйіне басым көңіл бөлу арқы­лы қазіргі бос уақытты отба­сы­ның ұйытқысы ретінде ұтымды жа­ғына қарай пайдалана білген жөн.

Елдің басына төн­ген түрлі қатерлі зауалдарда хал­қымыз  әрдайым бірлік-берекесі, кең пейілі арқылы жеңіске жетіп отырғаны айқын. Бұл  жолы да осылай боларына сенім артамын. Лайым, еліміз аман болсын!

 

Төрегелді ШАРМАНОВ,

академик

 

Соңғы жаңалықтар

Ұқсас жаңалықтар