Стратегиялық маңызы бар объектілерде қауіпсіздік шаралары күшейтілді. Адамдар көп жиналатын орындардың, түрлі қызмет көрсету орталықтарының жұмысы тоқтатылды.
Ойын-сауық, спорттық және басқа да iс-шараларды өткiзуге тыйым салынды.
Қауіпсіздік шараларын күшейту мақсатында қосымша Ұлттық гвардия сарбаздары жұмылдырылды.
Төтенше жағдай кезеңі жарияланғаннан бастап облысымызда қылмыстылық ахуал тұрақты.
Төтенше жағдай жарияланған 16-шы наурыздан бастап бүгінгі күнге дейін барлығы 341 қылмыс тіркеліп, өткен жылдың осы мерзімімен салыстырғанда 43%-ға азайған (603/341).
Оның ішінде меншікке қарсы жасалатын қылмыстар 65%-ға төмендеген, яғни ұрлық 60%-ға, тонау 20%-ға, қарақшылық 50%-ға төмендесе, қоғамдық орындарда жасалатын бұзақылық қылмыстары 67%-ға азайған.
– Зорлау және ауыр дене жарақатын салу қылмыстары тіркелмеген. Басты мақсат - төтенше жағдай кезінде қылмыс пен құқық бұзушылыққа жол бермеу, – делінген облыстық прокуратура таратқан ақпаратта.
