– Ең алдымен, бұл ағарту жұмысы екенін айта кету керек. Барлық әскери қызметшілер коронавирустың қандай қауіпті және оны жұқтырудың алдын алу жолдары қалай екенін біледі. Санитарлық бақылау және өңдеу шаралары арттырылады. Қызметтік бөлмелер мен казармаларды күнделікті дезинфекциялау қалыпты жағдайға айналды. Бүгінгі күні әскери бөлімдерде жеке тазалық үшін дезинфекциялық құралдар бəрі үшін қол жетімді. Сондай-ақ әрбір әскери қызметшінің денсаулық жағдайына үлкен көңіл бөлінеді. Біздің барлық медицина қызметкерлері жеке құрамның көңіл күйіне үздіксіз бақылау жүргізіп отырады.
– Қашықтан жұмыс істеуге көшу жоспарда бар ма?
– Жоқ. Әскери қызметшілер қашықтан жұмыс істеуге көшпейді. Олар карантин туралы айтпағанда, тіпті әскери іс-қимылдар жағдайында да өз міндеттерін орындауы керек. Жауынгерлік даярлық ешқандай жағдайда да нұқсан келмеді. Бірақ бізде бүгін көптеген адамның жиналуына байланысты жаппай іс-шаралар тоқтатылды. Әскери қызметшілердің бір бөлігі кестеге сәйкес демалысқа жіберілді. Жауынгерлік даярлыққа байланысты емес міндеттерді, кеңсе қызметтерін орындайтын азаматтық персонал қашықтан, яғни үйде жұмыс істейді. Күн сайын әскери бөлімдерден тысқары шығатын келісімшарт бойынша әскери қызметшілердің жауынгерлік даярлығы бөлімде тәулік бойы болатын мерзімді қызмет әскери қызметшілерден бөлек жүзеге асырылады. Мерзімді қызметтегі әскери қызметшілерді және әскери оқу орындары курсанттарын босатуға жəне олардың туыстары мен жақындарына баруға тыйым салынады. Бірақ олармен қарым-қатынас жасау үшін смартфондарды пайдалану мүмкіндігі кеңейтілді. Ата-аналар тыныштығы басты назарда болып отыр.
– Басшылық құрамның қауіпсіздігі үшін қосымша шаралар қабылдана ма?
– Жоқ, барлық әскери қызметшілер үшін кешенді іс-шаралар штаттық режімде жүзеге асырылады: дезинфекция, санитарлық өңдеу, жеке тазалық ережелерін сақтау бойынша ұсыныстар да қарастырылады. Бірақ барлық кеңестер тек селекторлық режімде өткізіледі. Бұдан басқа, Қорғаныс министрінің өзара алмастырушы басшылары мен орынбасарлары арасындағы тікелей байланыстар алынып тасталды. Осыған ұқсас ережелер Қорғаныс министрлігінен жеке әскери бөлімге дейін басқарудың барлық деңгейлерінде енгізілді. Бұл сақтық шаралары мемлекеттік қажеттілік мақсатында ұйымдастырылған Қарулы Күштердің үздіксіз жұмыс істеуін қамтамасыз етуге бағытталған. Бұл жағдайда жауынгерлік қабілеттілікті сақтау – әскери ғылым мен тəжірибесінің талаптарының бірі болып саналады. Осы іс-әрекеттер алгоритмі алдын ала қарастырылған және қазір іске асырылды.
Әңгімелескен
Ғабит ІСКЕНДЕРҰЛЫ,
«Egemen Qazaqstan»
