Аймақтар • 14 Сәуір, 2020

Түркістан: Індет жұқтырғандар саны 49-ға жетті

197 рет көрсетілді

Түркістан облысында коронавирус індетін жұқтырған тағы 2 адам тіркелді. Осылайша өңірде инфекция жұқтырғандар саны – 49-ға жетті.

COVID-19 инфекциясын жұқтырған азаматтың бірі Жетісай ауданы,  Асық ата ауылының 1980 жылы туған тұрғыны. Ол инфекциямен ауыратын науқаспен жақын байланыста болған. Сондай-ақ Жетісай қаласының 1956 жылы туған азаматшасынан коронавирус инфекциясы анықталды. Ол 4 сәуірде қайтыс болған Жетісай қаласы тұрғынының жұбайы.

Індет жұқтырғандар оқшауланған, тиісті ем қабылдауда. Олармен байланыста болғандарды анықтап, оқшаулау жұмыстары жүргізілуде.

Жалпы облыс бойынша Жетісай ауданында – 20 адам тіркелген, оның ішінде 64 жастағы азамат 4 сәуір күні қайтыс болды. Сондай-ақ, Арыс қаласында - 14, Кентауда - 5, Ордабасы  - 2, Сайрам - 2, Мақтаарал - 4, Сарыағаш – 1, Бәйдібек ауданында 1 тұрғын індетке шалдыққан.

 

 

Түркістан облысы

Соңғы жаңалықтар

Ұқсас жаңалықтар