Спорт • 15 Сәуір, 2020

Жаттығуға кешіккендер айыппұл төлейді

188 рет
көрсетілді
1 мин
оқу үшін

Англияның «Ливерпуль» командасы онлайн жаттығуға кешіккен немесе жаттығуды өткізіп алған футболшыларға айыппұл салатын жүйе енгізді. Бұл туралы команданың бас бапкері Юрген Клопп мәлімдеді.

Жаттығуға кешіккендер айыппұл төлейді

«Біздің жаттығу таңғы 10:00-де басталады. Футболшыларға арналған чат 9:30-да ашылады, және сол уақытта ойыншылардың барлығы дерлік қосылуы керек. Егер кейбір футболшы 9:30-дан кейін, бірақ уақытылы қосылса оларға ештеңе демейміз. Ал белгіленген уақыттан тым кешігіп қосылатын болса, онда айыппұл төлеуге тура келеді», дейді Клопп.

Ағылшын премьер-лигасы наурыз айында корнавирус пандемиясына байланысты белгісіз уақытқа дейін шегерілген болатын. Чемпионаттың 29-турынан кейін «Ливерпуль» клубы 82 ұпаймен көш бастап келеді. Болжам бойынша АПЛ ойындары мамыр айының соңына қарай басталады деп күтілуде.