«Коронавирустық инфекция табылған екі адам - «COVID-19» вирусы анықталған азаматпен бірге Ресей Федерациясынан келген Батыс Қазақстан облысының тұрғындары» деп хабарлады мемлекеттік комиссияның шұғыл штабы.
Полимерлік тізбекті реакция арқылы диагностикалық зерттеу қорытындысы бұрын індет жұқтырған тұлғамен қарым-қатынаста болған екі адамның да бойында «COVID-19» вирусы бар екенін көрсетті. «Қазіргі таңда науқастардың жағдайы қанағаттанарлық. Олар Батыс Қазақстан облыстық жұқпалы аурулар ауруханасына жатқызылды» делінген хабарламада.
Індетпен күрес алгоритміне сәйкес, науқастармен қарым-қатынаста болған адамдар анықталып, медициналық бақылауға алынған. Ауру ошақтарында эпидемиологиялық зерттеу, дезинфекция жұмыстары жүргізілуде.
Батыс Қазақстан
