Суретті түсірген Валерий Бугаев
Тосқауыл-бекеттерінде полиция қызметкерлері тәулік бойы жұмыс атқаруда. Қалалық полиция басқармасының мәліметінше, облыс орталығы аумағындағы карантиндік режим қатаң бақылануда.
Жалпы, қаланың орталығы 64 негізгі секторға бөлініп, әрқайсысына жеке-жеке патрульдік қызметкерлер жіберілген. Яғни, қаланың қауіпсіздігін сақтау және карантин режимін қадағалау шарасына 200-дей полиция қызметкері мен 150-дей Ұлттық Ұлан сарбазы жұмылдырылған.
- Қалаға кірген, шыққан көліктерді қатаң тексеруден өткізудеміз. Тек шұғыл шақыртумен жолға шыққан Жедел жәрдемді, жерлеу рәсіміне баратын туыс-жақындарына құжаттар арқылы ғана рұхсат. Ал, карантин режимі іске қосылған алғашқы күні облыс орталығына жеке көліктерімен 1300-ден астам адам кірген болса, 840 азамат қаладан шығып кетті. Полиция қызметкерлері медициналық қорғаныс құрал-жабдықтарымен, бетперде, қолғаптармен қамтамасыз етілген. Учаскелік инспекторлар да қызметтік планшеттер қолдануда. Тосқауыл-бекеттерінде тұратын қызметкерлер басқа жұмысқа жіберілмейді. Олар жұмыс уақыты аяқталған соң жатақханалар мен қонақүйлерге барып қонады. Үйлеріне баруға рұқсат жоқ, - деді полиция басшылығы.
Сонымен қатар облыс орталығындағы карантинге жабылған 3 тұрғын үй мен №1-ші қалалық аурухана маңында кезекшілік қызметін атқаратын мамандарда жатақханалардан бөлмелер берілгендіктен, үйлеріне бармайды.
Павлодар облысы
