Кенді Алтайда дәл қазір 400-ге жуық жоғары білікті дәрігер жетіспейді. Не істеу керек? «Қалауын тапса, қар жанады» деген рас екен, өңір басшысы Б.Сапарбаевтың ұйытқы болуымен бұл түйін шешілді.
Кенді Алтайда дәл қазір 400-ге жуық жоғары білікті дәрігер жетіспейді. Не істеу керек? «Қалауын тапса, қар жанады» деген рас екен, өңір басшысы Б.Сапарбаевтың ұйытқы болуымен бұл түйін шешілді.
Таяуда Семей медицина университетінің филиалы Өскеменде ашылды. Ол оқу орнының абыройы бүкіл елге таныс. Мұнда отыздан астам ғылым докторлары, жүздеген ғылым кандидаттары шәкірттерге дәріс береді. Білім ордасының салтанатты ашылуында:
– Экологиясы аса күрделі аймақта медицина университеті филиалының ашылуы маңызды оқиға. Денсаулығы мықты елдің іргетасы да берік болмақ. Біз оқу орнына жағдай жасаймыз, түлектерге көмектесеміз, – деді өңір басшысы.
Семей медицина университетінің ректоры Төлебай Рахыпбеков филиал жұмысына 90 миллион теңге қаржы салынғанын, өңірге қажет 400 білікті дәрігерді 3-4 жылда әзірлеуге күш салатындарын тілге тиек етті.
Бұл филиалға биыл 83 студент қабылданды. Келесі жылдан бастап студенттер саны 200-ге жетеді екен. Олар болашақта хирург, педиатр, гинеколог, терапевт, акушерлік мамандықтарын алып шықпақ. Студенттерге 4 ғылым докторы, 31 ғылым кандидаты және жергілікті жердегі білікті дәрігерлер дәріс бермек.
Оңдасын ЕЛУБАЙ,
«Егемен Қазақстан».
ӨСКЕМЕН.
