Жұбайым – ІІІ топтағы мүгедек. Соған қарамастан ол жеке автокөлігімен адам тасып, азын-аулақ ақша табады. Ал өзім қолдағы екі сиырды сауып, соның сүтін, құрт-майын сатып нәпақамызды айырамыз.
Таяуда күйеуім екеуміздің әрқайсымызға 42500 теңгеден әлеуметтік төлем берілді. Құжаттарды ел қатарлы тапсырдық. Үш күннің ішінде ақшамыз қолға тиді. Қуанышымызда шек болмады. Бірден барып, бір айға жететін азық-түлік, басқа да тұрмысқа қажетті ұсақ-түйек тауар сатып алдық. Мемлекет басшысына, Үкіметімізге алғыстан басқа айтарымыз жоқ.
Үйімізде интернет желісі жоқ. Табыс көзі тәуір болмаған соң, әрнәрседен үнемдейміз. Бірақ балам «Балапан» телеарнасы арқылы қатарынан қалмай, қашықтан оқып жатыр. Бұл жағынан ешкімге ренішім жоқ.
Жанаргүл ҚУАНЫШ,
Сарепта ауылының тұрғыны
Қарағанды облысы,
Абай ауданы