![Дер кезіндегі демеу](/media/2020/04/21/unnamed.jpg)
Біз Құлсары қаласында тұрамыз. Отбасымыздағы төрт баланың екеуі – ересек, екеуі мектепте оқиды. Сервистік қызмет көрсететін отбасылық жеке кәсіпкерлігіміз бар. Оған күйеуім басшылық жасап, өзім сонда жұмыс істедім.
Қауіпті індеттің таралуына орай кәсібімізді тоқтатуға тура келді. Шындығында жұмыссыз әрі табыссыз қалып, не істерімізді білмедік. Осындай сәтте мемлекеттің біз секілді жандарға қолдау көрсетіп жатқанын естіп, күйеуіміз екеуміз де 42 500 теңгенің әлеуметтік төлемін алуға өтініш бердік. Үш күннен кейін әрқайсымыздың жеке есепшотымызға әлеуметтік төлем қаржысы түсті.
Бұл – жұмыссыз қалғандарға көрсетілген қаржылай демеу. Мұндай көмекті бейресми жұмыс істегендер де, бала күтімімен отырған аналар да, тіпті төтенше жағдай енгізілгенге дейін жұмыс істеген студенттер де алуына болады екен. Біздің мемлекеттің қиын кезде ешкімді елеусіз қалдырмағаны қуантады.
Ләззат ҚҰЛЫМБАЕВА,
көп балалы ана
Атырау облысы,
Жылыой ауданы