Қазір еліміздегі жағдайға байланысты үйде отырғандықтан жұмысым тоқтап тұр. Бұл барша елдің басына түскен қиындық деп ойлаймын. Еліміз осындай сын сәтте халыққа көптеген қолдау шараларын жасағанын байқап отырмыз. «Көппен көрген ұлы той» дегендей, бұл қиын-қыстау кезеңді де еңсеретінімізге сенемін.
Жуырда мемлекеттің 42 500 теңгелік көмегіне қол жеткіздік. Біле білген адамға, мұның өзі әжептәуір жәрдем. Сәл сабыр етсек, тәртіпке бағынсақ, қалыпты тіршілігімізге оралар күн жақын деп ойлаймын.
Әсем ТІЛЕУБАЕВА,
көп балалы ана
Шығыс Қазақстан облысы,
Үржар ауданы
