Ғылымда да, өндіріс саласында болсын сөздік қорымызға кірген және жиі қолданылатын сөз «инновация» болып тұр. Сәнге айналған осы сөздің адамзат баласына тигізетін шын септігін білетін бірден бір сала болса онда ол – тау-кен өндірісі. Қазіргі таңда табиғат берген ен байлықты баса-көктеп қаза бермей, оны тиімді пайдалану, технологияларды жеңілдіру арқылы жұмысты жеңілдетіп, өндірісте бола беретін қауіп-қатерді азайту әлемдегі барша өндіруші компаниялар үшін өзекті мәселе. Соның ішінде «жасыл» экономика құру ең көкейкесті сауалдар қатарында.
Ғылымда да, өндіріс саласында болсын сөздік қорымызға кірген және жиі қолданылатын сөз «инновация» болып тұр. Сәнге айналған осы сөздің адамзат баласына тигізетін шын септігін білетін бірден бір сала болса онда ол – тау-кен өндірісі. Қазіргі таңда табиғат берген ен байлықты баса-көктеп қаза бермей, оны тиімді пайдалану, технологияларды жеңілдіру арқылы жұмысты жеңілдетіп, өндірісте бола беретін қауіп-қатерді азайту әлемдегі барша өндіруші компаниялар үшін өзекті мәселе. Соның ішінде «жасыл» экономика құру ең көкейкесті сауалдар қатарында.
Ендеше, бұл күндері тау-кен өндірісі саласын зерттейтін алыс-жақын мемлекеттерден келген мамандар мен ғалымдар Алматыда өткен «Геотехнология-2013: тау-кен өндірісінің түйткілді мәселелері мен инновациялық даму жолдары» атты VI Халықаралық ғылыми-тәжірибелік конференциясында тоқайласты.
Әрине, бұл конференция ұзын-сонар баяндамалар мен ешкімге керегі жоқ есептерден тұратын кезекші жиын емес. Уақытты бағалай білетін іскер орта өкілдері пленарлық отырыстарда болсын және секцияларда да осы саланың нақты мәселелері, қордаланған сауалдары мен ұсыныстарын жеткізуге, зерттеу нәтижелерін жария етуге мүмкіндік алды.
Егер бүгінгі таңда ауаны ластайтын үш сала болса, соның бірі осы – тау-кен өндірісі секторы. Сондықтан қоршаған ортаға кесірін тигізбеуді көздейтін компаниялар ғалымдардың осы мәселеге қатысты инновациялық ұсыныстарын қуана қабыл алады. Оның үстіне еліміз тау-кен өндірісі саласына қатысты халықаралық жиынды ұйымдастырушы ғана емес, үздік ізденістерді қолдаушы мен қолданушы да екендігін айту ләзім.
Мәселен, осы конференцияны ұйымдастырушылар бастапқыда-ақ екі күндік жиында тұсауы кесілген ең үздік баяндамаларды, инновациялық идеяларды арнаулы дипломмен, бағалы сыйлықтармен атап өтетіндігін мәлімдеген еді.
Осы арада биылғы шараның басты ұйымдастырушысы «Қазақмыс» тобы екендігін айта кетелік. Егер Қазақстан тау-кен өндірісі бойынша әлемдегі үздік ондық қатарына кіретін болса, бұл жерде «Қазақмыстың» атын аттап өте алмайсыз. Дүниежүзіндегі мыс өндірудегі көшбасшы компаниялардың қатарында жүретін «Қазақмыс» тау-кен өндірісі саласындағы жаңа технологияларды дамытуға да қолдануға мүдделі екендігі аян.
Осыған орай конференцияның алғашқы күні «Қазақмыс» тобының басшылығы бүгінде тау-кен өндірісі саласы, соның ішінде компанияның өзі үшін де басымдық берілуі тиіс бағыттарды айқындады. Мәселен, қазір «Қазақмыс» тобы үшін Жезқазғанда қалыптасқан геомеханикалық мәселелерді еңсеру қажет. Жылжып кеткен жыныстарды, опырылған аймақтарды өңдеу үшін ең ұсынықты идеялар, жаңа зерттеулер мен көкейге қонатын негіздемелер өте қажет. Осы мәселеде жүргізіліп жатқан зерттеулер мен тұрақсыз аймақтардағы камерааралық целиктерді қайта игеру технологиясын құру қажеттігі көрінуде. Қордаланған мәселеде инновациялық технологияларды айналып өте алмайтынын «Қазақмыс» тобы айқын түйсінеді. Өндірісті сандық технологиялармен қамтамасыз етіп, спутниктік бақылаумен айналысатын, инновациялық жаңалықтарды қолданысқа енгізетін компаниялармен, ғалымдармен әріптестікке бармай болмайтындығын әлмисақтан білетін компания жетекшілері мысал ретінде Жезқазғандағы бірегей кен орны мен Жомарт кен орны қорларын қосымша өңдеу тәсілдеріне тоқталды.
Бір жағынан ғылыми әлеуетімізді бағамдауды мақсат тұтатын халықаралық конференция барысында «Қазақмыстың» тау-кен өңдеу кешенінің бас директоры Бақтияр Қрықпышев:
– Біз компания кәсіпорындарының қызметі барысында туындайтын аса күрделі геотехникалық мәселелерді шешу үшін бар күшімізді салып келеміз. Пайдалы қазбаларды
