Бұл туралы Өңірлік коммуникациялар қызметінде Түркістан облысы бойынша мемлекеттік әлеуметтік сақтандыру қоры АҚ филиалы директорының міндетін атқарушы Дәурен Байырбеков мәлімдеді.
Сондай-ақ брифингке қатысқан Жұмыспен қамтуды үйлестіру және әлеуметтік бағдарламалар басқармасының басшысы Әсия Темірбаева 42500 теңге төлемді студенттердің де алуына болатынын айта келе, қандай жағдайда берілетінін хабарлады. Бала күтіміне байланысты декреттік демалыстағы әйелдер бала 1 жастан асқаннан кейін ғана 42 500 теңге тағайындалатынын, өтініш беру алдында бірыңғай жиынтық төлем жасау керектігін жеткізді.
Сондай-ақ Ә. Темірбаева 1 сәуірден бастап төтенше жағдай кезінде азық-түлік-тұрмыстық жиынтығын алатындардың тізбесі қосымша әлжуаз топқа кіретін санаттағы азаматтармен толықтырылғанын айтты.
Бұл орайда 6 жастан 18 жасқа дейінгі 43 190 балаға 7 213 млн теңге, 94 222 барлық жастағы бірінші, екінші және үшінші топтағы мүгедектер мен 16 жасқа дейінгі мүгедек балаларға 15 736 млн теңге, 23 795 жұмыссыз азаматқа 3 974 млн теңге, мүгедек баланы күтумен айналысатын 13 013 адамға 2 173 млн теңге қаралған. Қазіргі таңда аталған азаматтарға қаражатын аудару арқылы әлеуметтік көмек көрсету жұмыстары басталған.
