Бұл азаматтардың негізгі міндеті төтенше жағдай кезінде қауіпсіздік шараларының сақталуын қадағалап, тұрғындарды тәртіпке шақыру. Аудан әкімі Мұрат Ергешбаев көмекке келген азаматтарға алғысын айтып, істеріне сәттілік тіледі.
Арнаулы әскери жиынға шақырылғандар учаскелік полиция инспекторларымен бірге Қазалы қаласы мен Әйтеке би кентінде қоғамдық тәртіпті сақтауға атсалысады. Олар киім-кешекпен, ыстық тамақпен және басқа да материалдық-техникалық құралдармен қамтамасыз етіледі.
Жиын уақытында әскери міндеттілердің жұмыс орны мен жалақысы сақталады, ал жұмыс істемейтіндерге ең төменгі жалақы төленеді.
