Естеріңізге сала кетейік, 2 сәуір күні Мемлекет басшысы Қасым-Жомарт Тоқаев әскери міндеттілерді арнаулы жиындарға шақыру жөнінде Жарлыққа қол қойған болатын. Осыған байланысты облыс әкімінің шешімімен аумақтық қорғаныс бригадасына әскери міндетті 40 азамат шақыртылып, Қызылорда қаласындағы індет ошақтарын залалсыздандыру жұмыстарына жұмылдырылды.
Әскери қызметкерлер облыстық жұмылдыру дайындығы басқармасы тарапынан үш мезгіл ыстық тамақ, арнайы киім және басқа да керек-жарақтармен қамтамасыз етіледі.
