Ашық диалог барысында кәсіпкерлер кәсіпорындардың жұмысын біртіндеп қалпына келтіру бойынша өз ұсыныстарын айтты. Мәселен, тұрмыстық техниканы сататын дүкендерді ашу туралы ұсыныс айтылды. Тұрғындарда тоңазытқыш, салқындатқыш, плита және өзге де техникаларды сатып алу қажеттілігі туындап отыр.
Сонымен бірге арнайы халыққа қызмет көрсету орталықтарын барынша онлайн режимге бейімдеп ашу ұсынылды.
Онлайн-конференцияға қатысушылар онлайн-сервистерді дамыту мен мемлекеттік қызметтерді электрондық форматқа барынша көшіру қажеттігін атап өтті. «Атамекен» ҚР ҰКП Басқарма Төрағасы Абылай Мырзахметов ұсыныстар ескерілетіндігін айтты.
Кәсіпкерлердің ұсыныстары Төтенше жағдай режимін қамтамасыз ету жөніндегі мемлекеттік комиссияның отырысында талқыланады.
