Аймақтар • 25 Сәуір, 2020

Шығыс Қазақстан: Көкпекті ауданында залалсыздандыру жұмыстары жүйелі түрде жүргізілуде

1494 рет көрсетілді

Қоғамдық орындарды залалсыздандыру жұмыстарына арнайы жабдықталған «Hubei Dalu» техникасы тартылып отыр.

Көкпектіде көшелер мен көпшілік баратын орындар жаппай тазаланып жатыр. Індеттің таралмауына жол бермеудің бірден-бір жолы – залалсыздандыру. Қазіргі таңда бұл іс Көкпекті ауданында жүйелі атқарылуда. Аудан орталығы мен халық көп шоғырланған Самар ауылында ауқымды жұмыс ұйымдастырылды.

к

«Залалсыздандыру жұмыстарына қажетті гипохлорит кальций ерітіндісі облыс орталығы Өскемен қаласының «Титан-магний комбинатынан» жеткізілді. Бүгінгі күні ауданда дезинфекциялық ерітіндіге қажетті 5 тонна қор бар. Әрбір ауылдық округтерге де қажеттілігіне қарай таратылған. Қоғамдық орындарды залалсыздандыру жұмыстарына арнайы жабдықталған «Hubei Dalu» техникасы тартылып отыр. Сыйымдылығы 4 тонна техниканың  гипохлорит кальций қоспасын 5-7 метр аумаққа шашу мүмкіндігі бар» дейді Көкпекті ауданының бас санитарлық дәрігері Гүлмира Абдрасулова. Оның айтуынша, гипохлорит кальций қоспасы инфекциялық ауруларға қарсы бактерициттық құрал ретінде қолданылады. Тұрғындар үшін қауіпсіз. Барлық шаралар 2 наурыз күні жарық көрген Денсаулық Сақтау Департаментінің нұсқаулығы негізінде атқарылуда.

Бұл жұмыс елімізде төтенше жағдай жарияланған сәттен бастап толассыз жүргізіліп келеді.

Шығыс Қазақстан облысы,

Көкпекті ауданы

Соңғы жаңалықтар

Жетінші маусымның жетістігі

Руханият • Бүгін, 19:17

Атырауда үш гараж отқа оранды

Аймақтар • Бүгін, 16:51

Ұқсас жаңалықтар