Аймақтар • 26 Сәуір, 2020

Мемлекет көмегі көп отбасы үшін мүмкіндік

138 реткөрсетілді

Қызылорда облысында төтенше жағдай кезінде табысынан айырылған азаматтар мен әлеуметтік жағынан аз қамтылған отбасыларға мемлекет қолдауы дер кезінде жетуі үшін жүйелі жұмыс жасалып жатыр. Осы күні облыстық жұмыспен қамтуды үйлестіру және әлеуметтік бағдарламалар басқармасы мамандары карантин талаптарын барынша сақтай отырып, қауырт жұмысқа көшкен.  

Басқарма мамандарының айтуынша, облыста 42 500 теңге әлеуметтік төлем алуға тіркелген 186 мың 749 адамның 179  018-і осы көмекті алыпты. Олардың жартысына жуығы облыс орталығының тұрғындары.

Біз негізі осы төлемді алу жолдарын түсіндіреміз. Әсіресе, бірыңғай жиынтық төлемі мен өтінімі арасын алшақтатып алған кейбір азаматтардың әлеуметтік төлемді ала алмай қалуы жиі кездесіп отыр. Оларға біздің бөлім мамандары өтінім беруде көмек көрсетеді. Өйткені, мемлекет қолдауынан тиісті азаматтардың ешқайсысы шет қалмауы керек, – дейді халықты жұмыспен қамту бөлімінің басшысы Жанар Дәулетбаева.

Осы уақытқа дейін «Nur Otan» партиясының «Біз біргеміз» акциясы аясында облыста 7 798 отбасына жалпы құны 83,6 млн теңге болатын азық-түлік себеті таратылды. 

Ел азаматтары арасында бұл акцияға қолдау көрсетіп отырғандар аз емес. Олардың бірі қорға қаржы аударса, енді бірі партия филиалдары арқылы мұқтаж азаматтар тізімін алып, еріктілермен бірге көмек көрсетуде. Мәселен, «Абзал и К» ТС 100, ал «Ai-Sultan Company» ЖШС 20 отбасыға жәрдем жасады. Онан бөлек, осы індеттің алдын алу үшін ашылған облыстық қорға «Абзал и К» ТС төрағасы, «Jas Otan» ЖҚ орталық  Кеңесінің мүшесі  Мағжан Ерәлиев, облыстық  мәслихаттағы «Nur Otan» партиясы депутатық фракциясының мүшелері Бақдәулет Махашов, Асқар Махамбетов, Нұриддин Әмитов,  Мұрат Сәрсенбаев секілді азаматтар қаржы аударды.  Жетекші партия филиалдарына мұндай отбасылар тізімін қалалық, аудандық жұмыспен қамтуды үйлестіру және әлеуметтік бағдарламалар бөлімдері ұсынып отыр.

«Birgemiz» қоғамдық қорының өңірлік филиалы «Birgemiz-Kyzylorda» арқылы Қызылорда қаласындағы 6313 отбасы 50 мың теңге көлеміндегі бер реттік қаржылай көмекке ие болды. Бұл көмектің екінші траншында 7 796 отбасын қамту жоспарланып отыр.  

«Birgemiz-Kyzylorda» қорының құрылтайшылары, қамқоршылық кеңес құрамы жасақталды. Оның құрамына партияның әлеуметтік бастамаларына қолдау көрсетіп келе жатқан облысқа белгілі азаматтар мен азаматтық қоғамның беделді өкілдері, көп балалы аналар еніп отыр. Қор жұмысы туралы барлық ақпарат әлеуметтік желідегі арнайы парақшаларда жарияланады.

Сонымен қатар, қазір індеттің кең таралуына байланысты тікелей байланысты болдырмау мақсатында азық-түлік пен тұрмыстық жиынтығы әр алушының есепшотына ақшалай аударылады. Ол 5567 теңге болып отыр, - дейді басқарманың әлеуметтік көмек бөлімінің басшысы Шаризат Алмашева.  

Өткен айда республикалық бюджеттен облыс бойынша 16 647 балаға  92 млн теңге төленген. Азық-түлік пен тұрмыстық жиынтық алушылардың кеңейген тізімінен кейін бірінші және үшінші топтағы мүгедектерге, мүгедек балаларға, сондай-ақ мүгедек балалар күтімімен отырған аналарға, сондай-ақ атаулы әлеуметтік көмек алатын отбасының 6-18 жас аралығындағы балаларына және жұмыспен қамту орталықтарында тіркеуде тұрғандарға берілетін бұл көмек осы айда 60 300 адамға тиесілі. Олардың 37 400-іне 208,4 млн теңге аударылды. Қалған азаматтар ай соңына дейін алып үлгіреді.

Осылайша мемлекет пен жұртқа жәрдем жасауға асыққан азаматтар көмегі көптеген отбасы үшін төтенше жағдайдан қиналмай шығудың мүмкіндігіне айналып отыр.

 

Қызылорда   

 

 

Соңғы жаңалықтар

Ақмолада қайырымды жандар көп

Аймақтар • Бүгін, 09:31

Шайқының домбырасы

Өнер • Бүгін, 08:15

Театр алдындағы тарландар

Руханият • Бүгін, 08:13

Пандемия: Стивен стихиясы

Әлем • Бүгін, 07:51

Лу Шүн. Маржан сүзген жазушы

Әдебиет • Бүгін, 07:50

Тұтқын тағдыры

Руханият • Бүгін, 07:34

Жаз шықпай-ақ қурай бастады

Экология • Бүгін, 07:30

Экология бәрімізге ортақ

Экология • Бүгін, 07:27

Ойлап тапқан дүниесіне демеуші жоқ

Ең қысқа әңгіме • Бүгін, 07:25

Мыңнан астам жұмыс орны ашылады

Экономика • Бүгін, 06:45

Ұмтылғандар ұтады

Бизнес • Бүгін, 06:41

Фермерлердің көңілі әлі де күпті

Экономика • Бүгін, 06:39

Сахара үнінің саңлағы

Өнер • Бүгін, 06:37

Бетперде режімін бұзуға болмайды

Коронавирус • Бүгін, 06:32

Жер көп, жайылым жоқ

Қоғам • Бүгін, 06:31

Ұқсас жаңалықтар