Әбіл Қалиакпарұлы Әбілдин 1977 жылы Қарағанды облысындағы Жаңаарқа ауданының Атасу кентінде дүниеге келген. Ішкі істер органдарындағы қызметін 1995 жылы Қазақстан Республикасы ІІМ Семей заң колледжінде курсант болып бастады. 1997-2007 жылдар аралығында Қарағанды қаласының Октябрь аудандық ішкі істер басқармасында түрлі жедел қызметтерде істеген.
2007-2012 жылдары облыстық ішкі істер департаментіне қарасты Октябрь аудандық ішкі істер басқармасында криминалдық полиция бөлімін басқарды. 2012-2017 жылдар аралығында Қарағанды қалалық ІІБ Октябрь аудандық полиция бөлімінің бастығы, 2017-2019 жылдары Оңтүстік-Шығыс полиция бөлімінің бастығы лауазымдарында еңбек еткен.
Жаңа қызметке тағайындалғанға дейін полиция полковнигі Әбіл Әбілдин облыстық полиция департаментінің криминалдық полиция басқармасының бастығы лауазымында қызмет атқарды.
Қарағанды облысы
