Қазақстан өңірдегі елдер арасында реформалар көшбасшысы ретінде танылды.
Халықаралық сарапшылар Қазақстандағы жүргізілген мемлекеттік қызмет реформасын жоғары бағалады. «А» басқарушылық корпусын құру және саяси лауазымдар санын 8 есеге қысқартуды сарапшылар кәсібилендіру мен меритократияны күшейту бойынша маңызды қадам, сондай-ақ табыстың басты факторы – Мемлекет басшысының саяси күш-жігері деп санайды.
Мемлекеттік қызметтің жаңа моделі және даму келешегі
Қазақстан өңірдегі елдер арасында реформалар көшбасшысы ретінде танылды.
Халықаралық сарапшылар Қазақстандағы жүргізілген мемлекеттік қызмет реформасын жоғары бағалады. «А» басқарушылық корпусын құру және саяси лауазымдар санын 8 есеге қысқартуды сарапшылар кәсібилендіру мен меритократияны күшейту бойынша маңызды қадам, сондай-ақ табыстың басты факторы – Мемлекет басшысының саяси күш-жігері деп санайды.
Заңнамалық деңгейде мемлекеттік органның бірінші басшысы ауысқан кезде кадрлардың «командалық ауысуын» азайту үшін ауысу тәртібінде тағайындауға арналған мүмкіндіктер қысқартылды. Олар тек қана мемлекеттік органдар ішінде, сондай-ақ Президент белгілеген жағдайларда ғана жүзеге асырылады. Қалған барлық тағайындау тек конкурстық негізде ғана жүзеге асырылады.
Егер 2012 жылы орта есеппен бір тоқсанда мемлекеттік органдар арасында 3500 ауысу болса, 2013 жылдың 2-ші тоқсанында (заңнамаға өзгерістер енгізілгеннен кейін) ауысу саны 70-тен аз болды, яғни 50 еседен аса қысқартылды. Бір орынға конкурс 4,7 адамнан 8,5 адамға өсті. Басқаша айтқанда, конкурстарда бір орынға үміткерлер саны екі есеге жуық артты.
Алғаш рет заңнамамен мемлекеттік органдарда конкурстар жүргізу кезінде бақылаушылар институты енгізілді. Бақылаушылар конкурстық комиссияның жұмысымен танысады және оның жұмысы туралы өз пікірін айта алады. Бақылаушылар ретінде БАҚ, қоғамдық бірлестіктер мен өзге ұйымдардың өкілдері қатыса алады.
Қазіргі таңда «А» корпусы лауазымдарына 501 азамат тағайындалды, олардың ішінде 155-і (30%) осы лауазымдарда бұрын жұмыс атқармаған. Осындай жолмен, «әлеуметтік лифт» іске қосылды.
Қарамағындағы адамдардың сыбайлас жемқорлық қылмыстары үшін басшылардың жауапкершілігі күшейтілді.
Әлемнің жетекші елдерінің тәжірибесі бойынша уәждеу тетігін енгізу және мемлекеттік органдар қызметкерлерінің тиімді әлеуетін пайдалану үшін таланттарды басқару жүйесін енгізу жоспарлануда.
Мемлекеттік органдарға «этика бойынша кеңесші» енгізу қарастырылуда. Осы институттың негізгі міндеті – этикалық және сыбайлас жемқорлық құқық бұзушылықтарының алдын алу, мемлекеттік қызметшілерге сыбайлас жемқорлыққа қарсы күрес мәселелері және қызметтік этика бойынша кеңес беру.
Мемлекеттік қызметте ілгерілеу кезінде меритократия қағидатын қорғауды күшейту үшін шешімдері мемлекеттік органдар басшылары үшін міндетті болатын Меритократияны қорғау жөніндегі комиссия құру көзделіп отыр.
Мемлекеттік қызметтің жаңа моделінің басты индикаторлары болып мыналар белгіленді:
1) мемлекеттік қызметке кадрларды конкурстық іріктеу жүйесіне халықтың сенімін арттыру;
2) меритократия қағидатының сақталуына мемлекеттік қызметшілердің сенімін арттыру;
3) мемлекеттік қызметті көрсету сапасы мен қолжетімділігіне қанағаттану деңгейін арттыру.
«Егемен-ақпарат».
