Аймақтар • 29 Сәуір, 2020

Карантинде қалып қойғандар

9 реткөрсетілді

Павлодар қаласында уақытша тұрып келген Молдова азаматтары енді елдеріне жетпек болып, Петропавл қаласы арқылы Ресей Федерациясына өтпек болған. Отбасы құрамында 7 ересек жан мен 5 бала бар. Бұлар Павлодар облысында тұратын туыстарына қонаққа келген екен.

Енді Петрпавлдан РФ аумағына өтеміз деп отырғанда мұнда карантин режімі басталып, ешкім шықпайтын болып қалған. Сөйтіпмолдовалықтардың үлкен отбасы Қызылжар аумағында қала берген.

Оларға алғашқы болып облыстық Көші-қон қызметі басқармасының қызметкерлері көмек қолын созған. Олар мәжбүрлі қонақтарды тұрғын үймен қамтамасыз етіп қана қоймай, қажетті заттарын, соның ішінде гигиеналық заттар, балаларға памперске дейін жеткізіп берген. Азық-түлікпен қамтамасыз етулері де тұрақты болып тұрған. Мұндай қамқорлық көреміз деп ойламаған молдовалықтар қазақстандықтарға шексіз ризалықтарын білдіруде. «Қазақстан халқы өте қонақжай екен. Қолымызда кішкентай балаларымыз бар. Олар соны көріп алғашқы күннен-ақ осындай қиын сәтте бізге құлшына көмектесті. Баспана мәселесін шешіп берді. Керекті заттарымызды жеткізіп беруде. Біз өте ризамыз. Рахмет!», - дейді Молдова Республикасының 38 жастағы азаматы Артур Шербан.

Қазір облыста карантин режімі жұмсартылуда. Молдовалықтардың өз еліне қарай сапарға шығатын күндері де алыс емес. Сол күнді тағатсыздана күткен жандар қазақстандықтардың жомарт мінездеріне де күннен күнге тәнті болуда.

Жалпы, Көші-қон қызметі басқармасының ақпаратына қарағанда карантин күндері Солтүстік Қазақстан облысы аумағында 5500-ден астам шетелдік азамат кете алмай қалып қойған. Бірақ олардың мұнда туған-туыстары мен таныстары көп. Өздері де бұрын Солтүстік Қазақстанда тұрған Ресей Федерациясының азаматтары. Сондықтан олар ешкімнің қамқорлығын керек қылмайды.

Солтүстік Қазақстан облысы

Соңғы жаңалықтар

ForteMobile ұялы байланысы іске қосылады

Технология • Бүгін, 15:22

Ақмолада 3 адам суға кетті

Аймақтар • Бүгін, 13:42

Күлкі (триптих)

Әдебиет • Бүгін, 10:30

Ұқсас жаңалықтар