Экономика • 01 Мамыр, 2020

Барлық кен орындары мұнай өндіруді азайта бермейді

36 реткөрсетілді

Қазақстан ОПЕК + келісімі бойынша мұнай өндіруді азайта бастайды. Екі айдың ішінде мұнай өндірісін тәулігіне 9,7 миллион баррельге қысқартуды көздейтін ОПЕК + келісімі бойынша, Қазақстан өндірісті тәулігіне 390 мың баррельге азайтуға міндеттеме алды. Бұл туралы Энергетика министрлігінің баспасөз қызметі хабарлады.

Әлемде және Қазақстанда мұнайға сұраныстың төмендеуі аясында мұнай қорларының айтарлықтай артуына байланысты осы жылдың екінші тоқсанында мұнай сақтау қоймаларының толып кету қаупі бар.

Осыған байланысты министрлік «Барлау және өндіру және көмірсутегі шикізатын өндіру үшін жер қойнауы учаскелерін пайдалануға уақытша шектеулер енгізу туралы» қаулысының жобасын әзірледі. Өндірісті шектеу орташа, ірі және алып кен орындары санатына жататын кен орындарына қолданылады.

«Жер қойнауы ресурстарының тізіміне экономикалық факторлардың әсерінен өндірістің табиғи төмендеуі күтілетін ұсақ және кіші кен орындары енген жоқ» дейді қаулы мәтінінде.

Бұл қаулы барлық өндіруші компанияларға Қазақстан Республикасының ішкі нарығының мұнай өнімдерінің қажетті көлеміне қажеттілігін ескере отырып, өндірістің табиғи құлдырау кезеңінде  мұнай өндіруді азайту бойынша міндеттемелерді әділ бөлуді қамтамасыз етеді.

Соңғы жаңалықтар

Ұқсас жаңалықтар