Елдегі Төтенше жағдайға байланысты Нұр-Сұлтан мен Алматы қалалары арасындағы әуе тасымалына 30 наурызда шектеу қойылған еді. Бір айлық үзілістен кейін, яғни бүгін Нұрсұлтан Назарбаев атындағы халықаралық әуежайға алғашқы жолаушылар Алматыдан келді. Ал елордадан Алматыға ұшақ сағат 09.40 кезінде қайта ұшып кетті.
Бүгін Нұр-Сұлтанға Алматыдан тағы төрт әуе сапары орындалады. Атап айтқанда сағат 11.35, 14.40, 19.00, 19.20 уақытында төрт ұшақ келіп қонады. Әуе рейстерін «Air Astana», «Qazaq», «Scat» әуе компаниялары орындайды.
