Бұл аурухана 1868 жылы ашылғанда небәрі 5 төсек-орын ғана болған екен. Ақ патшаның заманында қарапайым халықтан гөрі әскерге көп жағдай жасалған ғой. Міне, сол 5 төсектің өзі Шымкент жанындағы әскери бөлімге бағынышты болып, бір фельдшер мен бір медбике ғана қызмет етіпті. Ол кездегі медицинаның қыр қазағына қырын қарағанының тағы бір дәлелі – осы госпитальдiң құрылғанына 17 жылдан кейiн ғана онда жергiлiктi тұрғындар үшiн небәрi 7 төсек-орын бөлініпті. Демек, қазіргі Оңтүстік Қазақстан облыстық клиникалық ауруханасының тарихы сол кезеңдерден басталады.
Бұл аурухана 1868 жылы ашылғанда небәрі 5 төсек-орын ғана болған екен. Ақ патшаның заманында қарапайым халықтан гөрі әскерге көп жағдай жасалған ғой. Міне, сол 5 төсектің өзі Шымкент жанындағы әскери бөлімге бағынышты болып, бір фельдшер мен бір медбике ғана қызмет етіпті. Ол кездегі медицинаның қыр қазағына қырын қарағанының тағы бір дәлелі – осы госпитальдiң құрылғанына 17 жылдан кейiн ғана онда жергiлiктi тұрғындар үшiн небәрi 7 төсек-орын бөлініпті. Демек, қазіргі Оңтүстік Қазақстан облыстық клиникалық ауруханасының тарихы сол кезеңдерден басталады.
Содан бергі 145 жыл ішінде бұл аурухана талай заманды бастан өткерді. 1980-жылдары бұл шаңырақтың жұмысы өрге өрледі. Алайда, тоқырауға ұрынған тоқсаныншы жылдары денсаулық сақтау саласы бiршама қиын жолдан өткені бәрімізге белгілі. Өкiнiшке қарай, бұл кездерi аурухана төсегi 605-ке дейiн қысқарып, материалдық-техникалық базасы да нашарлай түстi. Бірақ қандай жағдайда болса да, бұл емдеу орны өзiнiң адам емдеудегi iстерiн бiр сәтке тоқтатқан жоқ. Ұлы терапевт А.Боткин жазғандай, дәрiгерлер мен медбикелер қандай қиын жағдайда болсын рухани тепе-теңдiктi сақтап ерлiкпен және қайсарлықпен еңбек еттi. Ал оларға бас дәрiгерлердiң өздерi керемет үлгi болды. Аурухананы В.Алиев басқарған жылдары «халықшыл Алиев» деген атаққа ие болды. Бұл мәртебе Д.Сексенбаевтың тұсында да жалғасты. Одан бөлек ауруханаға басшылық еткен Б.Сағымбеков, М.Биғалиев, Н.Қасымов деген азаматтардың барлығы да елге еңбегi сiңген, денсаулық сақтау саласының үздiктерi, үлкен жүректi жандар еді. Осы бас дәрiгерлердiң қайсарлығының арқасында ең мықты деген дәрігерлердің аздаған шоғыры сақталып қалып, олар емнің сапасы үшін адал қызмет етті.
Әрине, «Елу жылда – ел жаңа, жүз жылда – қазан» деген, бүгінде барлық бөлiмшелерi күрделi жөндеуден өткен, аулалары алуан түрлi гүлге бөленiп, емделушiлердiң рухани демалысына айналған бұл аурухананың қазіргі жағдайына қарап отырып сүйсінесің. Облыстық аурухана – қаламыздағы ең жоғары дәрежеде мамандандырылған көмек беретiн бес медициналық мекеменiң бiрегейi. Бүгiнде мұнда 670 төсек-орын бар. Науқастарға амбулаторлық және стационарлық жағдайда көмек көрсетіледi. Аурухана құрамында 21 клиникалық және 16 параклиникалық бөлiмше бар. Жыл сайын облыстық клиникалық ауруханада 22-23 мыңнан астам адам емделiп, сауығып шығады. Яғни, халыққа медициналық көмек көрсетуде алғашқы орында.
Негізі науқас адамның ақ желеңді жанның алдына барған кездегі көңіл-күйі белгілі ғой. Тамырын ұстап отырған дәрігер білікті, тәжірибелі, сауатты болса екен, сырқатымды дәл тапса екен деп ойлайды. Негізі, науқас адам дәрігердің айтқанына имандай сенеді. Содан болар, жылы сөз дәметеді. Дәрігердің «Қорқатындай дәнеңе жоқ, біраз ем алып, өзіңізге күтім жасаңыз, дертіңізден құлан-таза айығып кетесіз», деген жылы сөзінің өзі жарты ем. Сондықтан науқастар үшiн ең қажеттiсi – дәрiгердiң сауаттылығы, адалдығы, мейірбандығы.
– Медицинада күн сайын жаңалық, күн сайын өзгеріс. Сондықтан біздің аурухана ең алдымен дәрігерлердің біліміне, біліктілігіне көп көңіл бөледі, –дейді бізбен әңгімесінде облыстық клиникалық аурухананың бас дәрігері Мұхан Егiзбаев. – Біліктілігін арттыру үшін шетелдерге де оқуға жібереміз. Былтырғы жылы 187 дәрігер Қазақстанда білімін жетілдірсе, 15-і шетелдерде оқып келді. Биыл 13 дәрігер шетелге кетті. Содан болар, облыстық клиникалық аурухана дәрiгерлерiнiң беделi бұрынғысынша жоғары. Соларға сенгендіктен, облысымыздың түкпiр-түкпiрiнен ауыр науқастар үмiтiн үзбей осында келедi.
Иә, шынында аурухананың хирургиялық бөлімшелерінде ота жасау мөлшері жыл сайын көбейіп келеді. Хирургтерд
