Қаржы • 06 Мамыр, 2020

Astana Hub инвесторларды оқытады

36 реткөрсетілді

Astana Hub IT-стартаптар халықаралық технопаркі инвесторларды оқытуға арналған жеке онлайн-мектебін іске қосады. Бұл биылғы 25-29 мамыр аралығында өтетін бизнес иелері мен инвес­тор­лар, бизнес-періштелер үшін венчурлік инвестициялау бойынша алғашқы оқыту курсы болмақ.

Қатысушылар үшін басты шарт – меншікті капиталдың болуы және венчурлік қаржыландыру саласындағы жаңа білімге ұмтылу, инвестициялауды бастау ниеті. Бұл бағдарламаға капиталмен, инвестициялық мәмілелердегі тәжірибесіз ірі бизнес иелері, бизнес-періштелер, корпоративтік сектордың топ-менеджерлері, табысты кәсіпкерлер шақыртылады.

Бағдарлама «IT business-angel» деп аталады және онлайн-форматта оқуға екі академиялық сағаттан бес күнге есептелген. Бағдарламаның жаһандық мақ­саты – елдегі инвестициялық сауаттылық деңгейін арттыру және қазақстандық инвесторлар мен бизнес-періштелер қауымдастығын қалыптастыру.

Astana Hub баспасөз қыз­меті­нің мәліметі бойынша онлайн-мектеп түлектері оқыту қорытындысы бойынша Astana Hub-тан эксклюзивті Invest Day жабық іс-шарасына шақыру алады. Ұйымдастырушылар хабар­лағандай, сарапшылар мен спикерлер шақырылған ірі венчур­лік қорлардың, Qazaq Ventures, dogovor24, Tech Garden Ventures және жеке бизнес-періш­те­лері сияқты инвесторлардың халық­аралық ұйымдарының өкілдері мәлімдеген. Арнайы қонақ, жоба сарапшысы және куратор ретінде Кремний алқабының Startup Monthly бас директоры Юрий Рабинович қатысады.

«Ең алдымен, бір апта ішінде де, бір ай ішінде де қаржы нарық­тарында кәсіби жұмыс істеу­ге ешкім үйретпейді. Егер онжыл­дықтар болмаса, адамдар жылдар бойы оқиды. Сондықтан ең бастысы – түсіну. Оның қағида­лары – алып­сатарлық, қандай қаржы құралдарын таңдау және негізге алу, жеке ин­вес­тиция­лық ар­тықшылық, қай заң мен салық­тың қыр-сырын ескеру қажет­тігін ұғыну. Басқа­ша айтқанда, нақты бір тар салаға тереңдеуге ұмтылу емес, болашақта болып жатқан жағдай­ды түсінуге және қажет болған жағдайда нақты мәселелерді өз бетінше түсінуге мүмкіндік беретін жалпы кең білім базасын құруға баса назар аудару керек. Менің ойымша, бұл қысқа, бірақ ауқымды экскурс еліміздегі венчурлік инвестициялау әлемінің жаңа келбетіне жақсы серпін береді», дейді қазақстан­дық биз­нес-періштелер клубының мүшесі Мұрат Әбдірахманов.

Бағдарламаға сәйкес қатысу­шылар технологиялық компа­ния­лардың «портфелін» қалып­тас­тыруды, венчурлік мәмілелерді құры­лымдауды, сондай-ақ порт­фельдік жобалар командаларымен жұмыс істеуді үйренеді.

 

 

 

Соңғы жаңалықтар

ForteMobile ұялы байланысы іске қосылады

Технология • Бүгін, 15:22

Ақмолада 3 адам суға кетті

Аймақтар • Бүгін, 13:42

Күлкі (триптих)

Әдебиет • Бүгін, 10:30

Ұқсас жаңалықтар