![Сәуір айында тіркелген көліктер саны күрт азайған](/media/2020/05/06/unnamed-2.jpg)
«ҚазАвтоПром» таратқан мәліметке сүйенсек, биыл есепке қойылған көлік құралдарының саны 3,3 мың бірлікке жетті. Бұл өткен жылғы көрсеткішпен салыстырғанда 38,8 пайыз төмен. Оның ішінде 3 мың бірлік қайталама нарықта қайта сатылған көліктер. Сонымен қатар, қаңтар-сәуірде 318,4 мың бірлік көлік есепке қойылды, бұл өткен жылдың сәйкес көрсеткішінен 29,7% - ға кем.
Алғашқы тіркелетін көлік құралдарының үлесі 21,9 мың бірлікті құрады. Бұл көрсеткіш өткен жылмен салыстырғанда 19,7% -ға кем. Сонымен қатар төрт ай ішінде 11 электромобиль тіркелген.
Сонымен қатар есепті кезеңде қайта тіркелген көлік құралдарының үштен екісі (69%) қолданылғанына 10 жылдан асқан көліктер.
Ең үлкен үлеске 20 жастан асқан көлік құралдары (43% немесе 127 570 бірлік), 11 жастан 20 жасқа дейінгі – 25,9% (76 941 бірлік), төрт жастан жеті жасқа дейінгі – 16,8% (49 759 бірлік), сегіз жастан 10 жасқа дейінгі – 9,7% (28 868 бірлік), бір жастан үш жасқа дейінгі – 4,4% (13 102 бірлік),қолданылғанына 1 жылға толмаған көлік үлесі – 0,1% (331 бірлік) құрайды.