Аймақтар • 06 Мамыр, 2020

Қостанайда тұңғыш рет «Қаһарман ұлт» онлайн акциясы өтеді

21 рет көрсетілді

Қостанай облысында биыл Жеңіс күні қарсаңында жылдағыдай майдангерлер рухына тағзым ету митингтері мен Мәңгілік алауға гүл шоқтарын қою, мерекелік концерт ұйымдастыру сияқты бұқаралық шараларға тыйым салынды. 

Биыл аймақта тұңғыш рет  онлайн режімде «Қаһарман ұлт» акциясы өтеді. Шара аясында 9 мамыр күні сағат 9.30-дан 12.00-ге дейін «Қазақстан-Қостанай», «Алау», «Қостанай кабельді жүйесі» телеарналары арқылы Отан соғысының ардагерлері мен тыл еңбеккерлерінің фотосуреттері көрсетіледі. Акцияға ат салысқысы келетіндер майдангер аталарының  көлемі 3*4 см болатын фотосуретінің астына ардагердің аты-жөнін жазып жіберуі керек. 

«Қаhарман ұлт» акциясына қатысушылардың фотосуреттері бүгіннен бастап 9 мамыр сағат 11.30-ға дейін  Whatsapp 8-701-941-75-75 нөмірі арқылы қабылданады.

Сондай-ақ полиция департаменті 9 мамырда Жеңіс саябағында тәртіп күшейтілетінін ескертеді. Бұл күні саябаққа шығып дастарқан жайып, ішімдік ішкен тұрғындар әкімшілік жауапкершілікке тартылады. Полиция зейнеткер қарияларға да денінің саулығын күтіп, үйде отыруға кеңес береді. 

Биыл Жеңістің 75 жылдығына арналған мерекелік шаралар жыл бойы өтетін болады, - деп хабарлады Қостанай облысының ішкі саясат басқармасы.

 


Қостанай облысы

Соңғы жаңалықтар

218 адамның ахуалы нашар

Медицина • Кеше

Ұқсас жаңалықтар