Экономика • 08 Мамыр, 2020

Сарапшылар бизнесті көлеңкеден шығарудың жаңа жолын ұсынды

31 рет көрсетілді

«Қазақстанның макроэкономикалық иммунитеті» аналитикалық зерттеуінің авторлары Қазақстанда бизнесті тіркеу процесін банктерде арнайы шоттар ашу арқылы енгізуді ұсынып отыр. Өткен жылы Әлемдік экономика және саясат институты,  Ғылыми-консалтингтік орталық (CRC), TALAP қолданбалы ғылыми-зерттеу орталығы бизнестің  ІЖӨ-дегі үлесі, көлеңкеден шығару мүмкіндіктері туралы зерттеу жұмыстарын жүргізген болатын. Соның нәтижесі кеше белгілі болды.

Сарапшылардың ұсыныстарының бірі - елдегі бизнесті тіркеуді барынша жеңілдету. Бұл фактор ШОБ-ты   көлеңкелі экономикадан шығуға және өз қызметін заңдастыруға ынталандырады. Зерттеуде көрсетілгендей, қазақстандық кәсіпкерлердің заңды тұлғаларды дұрыс тіркеуді және кірістер туралы мәлімдеме жасағысы келмеуінің бір себебі - әкімшілік рәсімдердің күрделілігі.  Арнайы шотты тіркеген жеке кәсіпкердің атынан салықтық есептеулер бойынша барлық операцияларды банктің өзі есеп иесінің және салық комитетінің міндеттемелердің орындалуы туралы автоматты түрде қалыптастыру және салық декларациясын беру арқылы хабарлама мен растау арқылы жүзеге асыра алады.

Бұл режімге кәсіпкерлердің қызығушылығын арттыру үшін мемлекет қаржылық және әкімшілік жағынан да жеңілдіктер ұсына алады. «Мұндай есепшотты ашқаннан бастап бірінші жыл ішінде мемлекет кәсіпкердің міндетті медициналық сақтандыру төлемдерін, өзін-өзі жұмыспен қамтығандары үшін бірыңғай әлеуметтік төлемді төлей алады немесе сауда орындары мен тіркеушілерге оқыту үшін жеңілдіктер бере алады. Банк сонымен қатар оларға «Даму» кәсіпкерлікті дамыту қоры» АҚ кепілдігімен несие бере алады.  Сонымен қатар, жеке кәсіпкердің экономикалық және қаржылық тәртібі туралы мәліметтер кәсіпкердің несиелік қабілетін бағалауға мүмкіндік береді»,  делінген зерттеуде.

Сарапшылар банктік бақылау шоттарын енгізу салық жинау көлемін арттырады, көлеңкелі экономиканың үлесін азайтады және салық төлеушілер үшін салық төлеу процестерін жеңілдетеді деп үміттеніп отыр.

Соңғы жаңалықтар

Ұқсас жаңалықтар