17:35
Ресей вирус көп тараған АҚШ пен Испаниядан кейінгі үшінші елге айналды
11:02
Ухан наурыз айынан бері ең жоғары көрсеткішті тіркеді
Індеттің ошағы болған Қытайдың Ухан қаласы 11 наурыздан бері болмаған ең жоғары көрсеткішті тіркеді. Елде жалпы жаңа 17 жағдай тіркелсе, оның бесеуі Уханда анықталған.
Анықталған 7 науқас шетелден келген. Ел ішіндегі бес адам вирусты Ресеймен шекаралас елдімекенде жұқтырған.
Қытайда жалпы 84 010 адамның вирус жұқтырғаны белгілі. Олардың ішінде 79 167 науқас айыққан, ал 4 637 адам қайтыс болды.
Қазір елде вирус жұқтырғандарды анықтағанда ауру белгілері бар науқастармен қатар симптомсыз науқастар санын бөлек есептеп жатыр.
10:25
Германияда 357 адамның вирус жұқтырғаны анықталды
Елде жаңа анықтылған 357 жағдайды қосқанда вирус жұқтырғандар саны 169 575 адамға жетті. Ал соңғы тәулікте 22 адам, барлығы 7 417 науқас қайтыс болған.
Германия - Еуропада карантин режимдерін жеңілдеткен алғашқы елдердің бірі. Өткен апта соңында мыңдаған ел тұрғыны карантинді толығымен алып тастау туралы талаптарын алға тартқан еді. Алайда қатаң шаралар бәсеңдегенде вирус жұқтырғандар көбейіп барады. Қазір Германияда дүкендер ашық, оқушылар мектепке қайта бара алады, футбол ойындарын өткізуге де рұқсат берілді.
10:11
Ресей вирус ең көп тараған бестікке қосылды
Елде коронавирус жұқтырудың жаңа 11 012 жағдайы тіркелді. Қазір Ресейде барлығы 209 688 адам індет жұқтырған. Олардың ішінде 34 306 науқас жазылып шықса, 1 915 адам қайтыс болды.
Жалпы вирус жұқтырғандарды анықтау үшін 5,4 млн тест жасалған.
