9 мамырдан бастап баланың дене температурасы 38 градусты көрсетіп, іш өту белгілері болған. 10 мамырда жедел жәрдем шақырады. Жедел жәрдем ауруханасының стационарына барғасын сынама алынады, ПТР зертханалық зерттеу нәтижесі COVID-19 диагнозын анықтады.
Қазір бала облыстық жұқпалы аурулар стационарының бокс палатасына жатқызылды, науқастың жағдайы қанағаттанарлық. Бекітілген хаттамаға сәйкес тиісті емдік шаралар жасалып жатыр.
Науқаспен қарым-қатынаста болған адамдар анықталып, барлығы медициналық бақылауға алынды. Ауру ошақтарында эпидемиологиялық зерттеу жұмыстары, дезинфекциялық жұмыстар жүргізілуде.
11 мамырдағы жағдай бойынша, Ақтөбе облысында COVID-19 коронавирус инфекциясын жұқтырған барлығы 175 адам тіркелген.
