«Qazaq Air» ұшақтары сейсенбі, бейсенбі және жексенбі күндері сағат 10.00-де Қостанайға қонып, сағат 10.40-та кері ұшады. Ал «FlyArystan» әуе кемелері дүйсенбі, сәрсенбі, жұма және жексенбі күндері сағат 11.10-да қонып, 11.40-та әуеге қайта көтеріледі.
Өңірлік жедел ақпарат штабы жолаушыларға әуежайда мынадай санитарлық-эпидемиологиялық талаптардың сақталатынын ескертеді:
- әуежай ғимаратына қолында билеті бар жолушылар ғана кіре алады. Шығарып салушыларға қатаң тыйым салынған.
- аэровокзал ғимаратына кіру үшін жолаушы міндетті түрде бетперде тағып, қолғап киюі шарт;
- ғимаратқа кірер алдында әрбір жолаушының дене қызуы өлшенеді;
- санитарлық-карантиндік пункттің маманы қызуы көтеріліп тұрған немесе жөтел, ентігу, демігу белгісі анықталған жолаушыны жедел медициналық жәрдем келгенше аэровокзал изоляторында медициналық тексеруден өткізеді;
- жолаушылар тіркеуден өту, ұшаққа отырғызу және түсіру кезінде қауіпсіз арақашықтықты сақтауы тиіс (1 метр);
- әуежай ғимаратына санитайзер орнатылып, ғимарат іші санитарлық талапқа сай тазартылып тұрады.
Қостанай облысы
