Аймақтар • 12 Мамыр, 2020

Ақмолада карантин шаралары сақталады

159 реткөрсетілді

Пандемияның қайта өршу қаупі азаматтардың сақтық шараларын сақтауына тікелей байланысты. Ақмола облысының бас санитарлық дәрігері Айнагүл Мусина осылай деп отыр.

Ел аумағында төтенше жағдай режимі тоқтатылғанымен, карантиндік сақтық шаралары толық атқарылуы тиіс. Арнайы брифинг барысында өңірдегі қоғамдық көлік қозғалысы, сауда орындарының, қызмет көрсету нысандарының, балабақшалар мен өзге де нысандардың жұмыс кестесі мәлім болды.

Қазіргі таңда 20 мыңнан астам ақмолалық коронавирусты анықтауға тест тапсырған. Зерттеу қорытындысы бойынша 110 азаматтың ауруға шалдыққаны расталды. Оның 96-сы Целиноград ауданында тіркелген. Өткен аптада облыс бойынша вирустың таралу деңгейі 1,3 пайызды құраған. Жалпы бұл көрсеткіш 3 пайыздан төмен деңгейде сақталып отыр. Бұл облыстағы эдимемиологиялық жағдайдың тұрақты екендігін айғақтайды.

– Вирустың түбегейлі жойылмауы салдарынан бұл талаптар сақталып отыр. Әлі де ауру жұқтыру деректері тіркелуде. Бұл талаптарды сақтау күнделікті өмір тәртібіне енуі тиіс. Егер сақтық шаралары тиісті деңгейде болмаса, аурудың өршу қаупі бар. Жалпы, вирустық аурулардың мерзімдік сипатқа ие екені белгілі. Сондықтан, күз айларында каронавирустың өршу қаупі бар,–дейді облыстың бас санитарлық дәрігері Айнагүл Мусина.

Өңірде 70 блок-бекет қызметін жалғастырады. Елді мекендерге келіп-кетуші тұрғындар «Қолдау», «Сергек» жүйелерінің көмегімен рұқсат құжаттарын алуы тиіс.  Төтенше жағдай режимі тоқтатылғанымен, карантин шаралары сақталады. Яғни, тұрғындар санитарлық талаптарды толық сақтауы тиіс.

– Мамандардың болжамы бойынша вирустың таралуының жоғарғы шегі әлі толық өткен жоқ. Бірқатар өңірлерде ауру таралуы әлі де өршіп тұр. Жағдайдың бақылаудан шығып кетуі мүмкін. Аурудың өршуі орын алған жағдайда облыстың медицина мекемелерінде қажетті құрал-жабдықтар жеткілікті,–дейді Айнагүл Мусина.

Жуық арада балабақшалар ашылады деп күтілуде. Мектепке дейінгі білім беру мекемелерінде дезинфекциялау шаралары мен карантин талаптары толық орындалады. Топтағы бүлдіршіндер саны да 15-тен аспауы тиіс. Бұдан былай, аумағы 2 мың шаршы метрге дейінгі сауда орындары кешкі сағат алтыға дейін жұмыс істейді. Спорт және мәдениет нысандары, халыққа қызмет көрсету орталықтары да қызметін жандандырады. Қоғамдық орындарда 2 метрлік әлеуметтік арақашықтық сақталуы тиіс.

Соңғы жаңалықтар

Covid-19: Тағы 1 адам қайтыс болды

Коронавирус • Кеше

Covid-19: Тағы 184 адам жазылды

Коронавирус • Кеше

...Түкті кілем, көк кілем

Аймақтар • Кеше

Ғасыр зұлматы

Қоғам • Кеше

Құрдым (төрттаған)

Әдебиет • Кеше

Ұқсас жаңалықтар