Жыл басынан бері Солтүстік Қазақстан облысында заңсыз аңшылықтың 10 фактісі анықталды. 200-ге жуық солтүстікқазақстандық жануарлар дүниесін пайдалану талаптары мен аң аулау қағидаларын бұзғаны үшін әкімшілік жауапкершілікке тартылды. Рейдтік іс-шаралар барысында Тайынша ауданында да Петропавл тұрғыны ұсталып, оның жол талғамайтын көлігінің салонынан екі жабайы қаздың еті алынды. Оған 5 айлық есептік мөлшерінде айыппұл, сондай-ақ келтірген шығын үшін 50 мың теңге төлеуіне тура келеді.
«Қазір облыс аумағында аң аулауға тыйым салынған. Құстарды, сондай-ақ жабайы жануарларды атуға байланысты барлық іс-әрекеттер үшін әкімшілік немесе қылмыстық жауапкершілік көзделген», - деді СҚО ПД табиғатты қорғау полициясы тобының аға инспекторы, полиция капитаны Асхат Қожабаев.
Солтүстік Қазақстан облысы
