Қоғам • 13 Мамыр, 2020

Табыс табамыз деп талапты бұзуға болмайды

53 реткөрсетілді

4 мамырдан бастап жұмысына кіріскен кәсіпкерлік субъектілерінің қа­тарын­да шаштараз бен стоматологиялық клиникалар да бар. Нұр-Сұл­тан қаласындағы кәсібін нәсіп еткен бірнеше азаматқа хабарласып, тө­тен­ше жағдай режімі кезінде қалай жұмыс істеп жатқанын сұрап білдік.

Өткен аптада Мемлекеттік комиссия 4 мамырдан бастап жұмысына кірі­сетін қызмет түрлерінің тізімін бекі­тіп, олардың санитарлық-эпиде­м­ия­лық қауіпсіздікті сақтауы қатаң бақы­лау­да болатынын айтты. Нұр-Сұлтан қал­а­сындағы «Даненов» тіс емханасы ко­миссия бекіткендей тек алдын ала жа­зылумен ғана науқастарды қабыл­дай бастады. Тіс дәрігері Тимур Дане­нов өздерінің де, клиенттердің де қауіп­сіз­­дігі үшін санитарлық нормалар­ды ере­жеге сай ұстанып отырғанын жеткізді.

«Ең алдымен міндетті түрде жазылу бойынша қабылдаймыз. Қабылдаудан бұрын олардың температурасын өлшейміз. Клиникаға жазылған уақыттан бұрын келмеуін талап етеміз. Сондай-ақ олар міндетті түрде маскамен және қолғаппен келуі керек. Ең алдымен өткір және іріңді тіс ауру­ларын қабылдауға тыры­самыз. Бізде бір төсектің аумағы 14 шар­шы метр болуы керек. Ал екінші төсекке де пациент қабыл­дай­тын болса, тағы 7 шаршы метр аумақты артығымен қосамыз. Барлық құрал-жабдықтарымыз санитарлық-эпиде­миялық талаптарға сай, әр қол­данылған сайын дезинфекцияланады. Ал өзіміз тек бір рет қолданылатын қол­ғаптарды қолданамыз. Клиникаға күн сайын дезинфекция жасаймыз. Үш сағат сайын кварц қосамыз», деген Т.Даненов карантин кезінде төтенше жағдайға байланысты берілген 42500 теңге төлемақыны алғанын, қиын сәтте мемлекеттің көрсеткен көмегіне дән риза екенін айтты.

Әсіресе карантин кезінде қырық күн бойы шаш қысқартпаған ер азамат­тар­дың шаштаразға өте зәру болғаны анық. Сондықтан да «Хан­шайым» сән салонының шаштаразшысы Ерболат Сәр­сенбай бірінші күннен бастап-ақ клиент­тердің өте көп болғанын айтады. Дегенмен табысты көбірек табамыз деп са­нитарлық талапты бұзуға бол­майды.

«Бұрын да клиенттерді тек алдын ала жазылумен қабылдайтынбыз. Қазір бір-біріне кедергі болмауы үшін қабылдаудың уақытын сәл ұзарттық. Сани­тарлық ережелерді қатаң ұста­на­мыз. Салонда орындықтардың ара­­­лығы бір жарым метрден орналас­ты­­рыл­ған. Клиенттердің маска, қол­­ғап киюін міндетті түрде талап ете­міз. Күнделікті сағат 10:00-ден 16:00-ге дейін ғана жұмыс істей­міз. Жазы­лу­шылар күніне он адамнан артыл­майды. Соңғы кісіні қабыл­дап болғанша шекті уақыт та аяқта­лады. Қазір­дің өзінде кісілер 4-5 күнге ал­дын ала жазылып қойды. Әрбір ше­берде антисептик бар. Қол ұста­сып амандаспаймыз. Бас жуғанға және шаш алғанға жеке-жеке бір рет­тік қолғаптарды пайдаланамыз. Өзі­міз де тек маскамен жүреміз. Әр клиент­ті қабылдаған сайын құрал-сай­ман­дары­мызды дезинфекциялай­мыз. Уа­қы­­тымыз да шектеулі болған­дық­­тан қазір негізінен ер кісілерді ғана қабылдап жатырмыз», дейді Е.Сәрсенбай.

Соңғы жаңалықтар

Жол жөнделсе - жан жадырайды

Аймақтар • Бүгін, 20:30

Қапшағай қаласының әкімі ауысты

Аймақтар • Бүгін, 17:20

Жігіттің жақсысы

Руханият • Бүгін, 16:21

Эрик Кантона көш бастап тұр

Аймақтар • Бүгін, 15:16

Ұқсас жаңалықтар