Аймақтар • 13 Мамыр, 2020

Атырау: Теңіз кенішінің 90 жұмысшысы індетке шалдықты

258 рет
көрсетілді
1 мин
оқу үшін

Өзге өңірлердей емес, Атырауда қауіпті індеттің беті қайтпай тұр. Бүгін 90 адамнан коронавирус белгісі табылып, тіптен өршіп кетті.

Атырау: Теңіз кенішінің 90 жұмысшысы індетке шалдықты

Төтенше жағдай режимін қамтамасыз ету жөніндегі өңірлік жедел штабтың мәліметіне сүйенсек,  Теңіз кенішіндегі мердігер мекеменің 90 адамы қауіпті індетті жұқтырыпты. Оның   83-і – әйел, жетеуі – ер адам.

«Тағы екі жағдай Атырау қаласында тіркелді. Олар – 52 жастағы әйел мен 27 жастағы ер адам. Қазір науқастармен байланыста болған адамдардың тізімі жасалып, індет ошағына дезинфекциялық жұмыстар жүргізілуде», - деп хабарлады жедел штаб.

Сонымен, бүгін, 13 мамырда Атырау облысында қауіпті індетке шалдыққандар саны  432-ні құрады.   Оның  ішінде Теңіз  кенішінің 359  жұмысшысы бар.