Экономика • 14 Мамыр, 2020

ФРЖ банктердің дағдарысқа қарсы жоспарларының мерзімдерін ұзартты

40 реткөрсетілді

Бүгін АҚШ-тың Федералды резервтік жүйесі (FED) және депозиттерді сақтандыру корпорациясы (FDIC) COVID-19 коронавирустық пандемиядан туындаған қиындықтарға байланысты банктерге дағдарысқа қарсы жоспарлар дайындауға қосымша уақыт бергенін хабарлады.  

Barclays Plc, Credit Suisse Group AG, Deutsche Bank AG және UBS AG - төрт шетелдік банктер үшін есептерді немесе тірі қалау деп аталатын құжаттарды ұсыну мерзімі 90 күнге, 2020 жылдың 29 қыркүйегіне дейін ұзартылды.

«Осы уақытқа дейін шетелдік қаржы институттары дағдарысқа қарсы жоспарлардағы алдын-ала анықталған кемшіліктерді жоюы керек»  деп хабарлады FDIC-тің ресми сайты.  

Сонымен қатар ірі американдық және шетелдік банктердің есеп беру мерзімі 90 күнге, 2021 жылдың 29 қыркүйегіне дейін ұзартылды.

Сонымен бірге АҚШ-тың ең ірі, жүйелік маңызды сегіз банкі келесі жылдың 1 шілдесіне дейін «міндеттемелерді қалай орындағанын немесе аманатқа адалдықтарын» жариялауға міндеттелді. FDIC алдағы уақытта бұл кезең өзгертілуі мүмкін екенін айтады.

Дағдарысқа қарсы жоспарларда күтпеген күйреу жағдайында қаржы компанияларының әрекеттері сипатталуы керек. Мемлекеттердің Орталық банктерінің мақсаты дағдарыс жағдайында банкроттық туралы заңға сәйкес қаржылық компанияларды құтқару үшін бюджеттік қаражаттарды тартпай-ақ, банктердің тез арада және кедергісіз жабылу мүмкіндігін қамтамасыз етуге бағытталуы керек. Банктің дағдарысқа қарсы жоспарларын АҚШ-тың қаржылық реформасы туралы Додд-Франк заңы талап етеді

Соңғы жаңалықтар

Ұқсас жаңалықтар