Доктрина – татулық пен бейбітшілік кепілі

Өскеменде «Нұр Отан» ХДП Шығыс Қазақстан облыстық филиалының кезектен тыс ХІV конференциясы болып өтті. Онда «Қазақстан-2050» Стратегиясын жүзеге асырудағы «Нұр Отан» партиясының жаңа міндеттері, «Нұр Отан. Нұрлы болашақ жолында!» жаңа Саяси доктринасы талқыланды.

Өскеменде «Нұр Отан» ХДП Шығыс Қазақстан облыстық филиалының кезектен тыс ХІV конференциясы болып өтті. Онда «Қазақстан-2050» Стратегиясын жүзеге асырудағы «Нұр Отан» партиясының жаңа міндеттері, «Нұр Отан. Нұрлы болашақ жолында!» жаңа Саяси доктринасы талқыланды.

Конференция жұмысына өңір басшысы, «Нұр Отан» ХДП облыстық фи­лиалының төрағасы Бердібек Сапарбаев, Пар­ламент Мәжілісінің депутаты Айгүл Соловьева, қалалық және аудандық партия ұйымдарының жетекшілері, «Жас Отанның» белсенділері қатысты.

– Бүгін біз барлық жоспар мен мін­дет­терді елді 2050 жылға дейін дамы­ту­дың стратегиялық жоспарының басты қа­ғидаларымен сәйкестендіруіміз қажет. Бүгінгі кезектен тыс конференцияда өткенге көз жүгіртіп, болашаққа жоспар жасауымыз керек. Партияның ХV съезінде жаңа Доктрина қабылданатын болады, – деді Б.Сапарбаев.

Өңір басшысының айтуынша, Шығыс­та қазір «Нұр Отанның» 70 мыңнан астам мүшесі, 540 бастауыш ұйым бар. Саннан гөрі сапаға назар аудару керек, сонда ғана алға қойған мақсатқа жете аламыз. Ұсынып отырған Доктринада 7 басымдық белгіленген. Бірлік пен келісім, төл мәдениет және руханият. Мықты экономика, әділ әлеуметтік саясат, зиялы ұлт, тиімді мемлекеттік бас­қару, әлемге ашық Қазақстан, міне, осылар­да партияның негізгі оң жетістіктерінің жол­дары көрсетілген, деді өңірлік партия жетекшісі.

Парламент Мәжілісінің депутаты А.Со­ловьева Доктринаға байланыс­ты ойларын ортаға салды. Партияның стра­тегиялық құжаты өскелең жас ұр­пақтың бойында Отанға деген сүйіс­пен­шілік, адал бе­ріл­гендік, барынша жан-тәнімен жұмыс істеу сезімін қа­лып­тастыруға бағытталған, деді халық қалаулысы. Ал Семейден кел­ген «Жас Отан­ның» белсендісі Мұхтар Бай­мағұлов «Қа­зақстанның болашағы – жастардың қолында», дей отырып, бүгінгі күні Кен­ді Алтайда 18758 жасотандық 136 бас­тауыш ұйымын құрып отырғанын, олар­дың барлығында Доктринаның қызу тал­қы­ланғанын, жастардың мемлекеттің өсіп-өркендеуі мен алға қарыштап дамуына лайықты үлес қосатынын айтты. Бұдан кейін сөз алған конференция делегаттары Доктринаның бейбітшілік пен татулық кепілі екеніне сенім білдірді.

Конференцияға қатысушылар алдағы «Нұр Отанның» ХV сьезіне делегаттар сайлады.

Оңдасын ЕЛУБАЙ,

«Егемен Қазақстан».

ӨСКЕМЕН.