«Қалалар арасындағы блокбекеттер әлі де сақталады. Облыстар мен өңірлер арасындағы қозғалысқа да шектеу бар. Әзірге блокбекеттерді алып бастауды көздеп отырған жоқпыз. Бұл өңірлердегі эпидемиологиялық ахуалдың әртүрлі болуымен байланысты. Оны өздеріңіз де көріп отырсыздар. Мәселен соңғы бірнеше күн бойы Шымкент қаласы мен Атырау облысында айтарлықтай өсім орын алуда. Өңірлер арасындағы карантин шараларын жеңілдету және блокбекеттерді алу инфекцияның Шымкент қаласынан Түркістан облысына немесе Атырау облысынан оған жақын өңірлерге таралуына әкелуі мүмкін», - деді Тимур Сұлтанғазиев.
Бұдан соң, ол әуе рейстерінің қайта жанданып, жиіліктерін арттыру себебін түсіндірді.
«Ұшақта болу уақыты қысқа екендігін түсіну қажет. Нұр-Сұлтаннан Алматыға дейін 1,5 сағат қана ұшасың. Тәуекел айтарлықтай үлкен емес. Ал халықтың бір өңірден екіншісіне жаппай қозғалуының тәуекелі өте жоғары. Адамдар өңірлердің арасында автомобильмен жаппай жүре бастайтындығын түсіну қажет. Ал ол адамның бұған дейін қайда болғанын, кіммен қарым-қатынаста болғанын ешкім білмейді», - деді комитет төрағасы.
