Елордада сауда орталықтары мен базарлар жұмысы қашан басталады?

Аймақтар • 19 Мамыр, 2020

Елордада сауда орталықтары мен базарлар жұмысы қашан басталады?

55 рет көрсетілді

Қаланың бас санитарлық дәрігері азаматтарды Covid-19-ға қарсы барлық алдын алу шараларын қатаң сақтауға шақырды деп хабарлайды Нұр-Сұлтан қаласы әкімдігінің ресми сайты.

Ақмарал АҒЗАМҚЫЗЫ

Қазақстан астанасындағы қолайлы эпидемиологиялық жағдайды ескере отырып, ведомствоаралық комиссия 20 мамырдан бастап сауда және ойын-сауық орталықтарының (ойын-сауық және ойын орталықтарынсыз, фудкорттарсыз, кинотеатрларсыз) және қоғамдық моншалар, бассейнсіз сауналар, жабық базарлар, сауда орталықтары мен сауда үйлерінің жұмысын қайта бастау мәселесін қарады, деп хабарлады бүгін брифингте Нұр-Сұлтан қаласының бас санитарлық дәрігері Жанна Пралиева.

«Қазір осы мәселені мұқият пысықтап, бас мемлекеттік санитарлық дәрігердің қаулысы дайындалуда. Сонымен қатар жалпы санитарлық-шектеу талаптарынан басқа ерекше талаптар көрсетілген нысандардың аталған санаттарының жұмыс алгоритмдері әзірленді: сауда орталықтары әдеттегі жұмыс кестесімен, сауда бутиктерінде сатып алушылардың санын бес адамнан асырмауы, кемінде екі метр әлеуметтік қашықтықты қатаң сақтаумен және кезекте, кассалық, сауда аймағында шамамен алғанда екі метрден кем емес таңбалар болуы керек», – деді Ж.Пралиева.

Монша мен сауна (бассейнсіз) үшін күту залындағыларды қоспағанда, персоналдың келушілермен тікелей байланысын барынша азайтып, жобалық сыйымдылықтың 30%-нан аспайтын толтырумен 9:00-ден 18:00-ге дейін (алдын ала жазылу бойынша) жұмыс кестесі көзделеді.

«Дәрігер-эпидемиолог ретінде елорда тұрғындарын маска тағу, көпшілік орындарға бармау, басқа да барлық алдын алу шараларын қатаң сақтауға шақырамын. Себебі инфекция ешқайда кеткен жоқ – ол айналамызда және тек барлық сақтық шараларын сақтай отырып, біз оны жеңе аламыз. Әрбір адам жауапкершілікті сезінуі өте маңызды. Кез келген адам вирус тасымалдаушы болуы мүмкін. Жұқтыру зардабы өте ауыр», – деді Пірәлиева.

Елорданың бас санитарлық дәрігері санитарлық-эпидемиологиялық талаптарды қатаң сақтау қажетін атап өтті. Себебі карантин шараларын жеңілдетуді ескерсек, кез келген уақытта індет қайта өршуі мүмкін.